كۆنگرەو ئاڵوگۆڕی دەسەڵات


لە رۆژهەڵاتی ناوەراست و لەعێراق ولەكوردستاندا ، كۆنگرەی حزبێك بەرێوەیە كە باس باسی خۆپاڵاوتن وكاندیدە بۆ كەسی یەكەمی ئەوحزبە.
هەزار سڵاوت لێبێ یەكگرتوو ئەگەر هەر تەنها ئاڵوگۆڕی دەسەڵاتت لەناو حزبكەی خۆت كردبێتە عورفێكی سیاسی گەورەترین خزمەتت كردوە، چونكە ناكرێ باس لەگۆرینی دەسەڵات بكەین لەهەرێم و تائێستا لەناوخۆی حزبەكاندا ئەومەسەلەیە خەتەرێكی گەرەبێ!!!
كەواتە ئەمە كارێكی گەورەو بەكەلتور كرنی بنەمایەكی سەرەكی دیموكراسیە بەهەموو كەس و حزبێك ناكرێ ،بەمەرجێ
:۱ـ
ئەندامان ولایەنگرانی ئەو حزبە ئەوەندە بەهێز بن بتوانن بەرگەی ئەو هەڵمەتە بگرن كەدژ بە حزبەكەیان و سەركردەكانیان دەكرێ لەم چەند هەفتەومانگەدا ،و نەكەونە هەڵەو ودوو دڵیەوە و بزانن كەئەوان خاوەنی حزبێكن هەرگیز لەدەوری كەسەكان كۆنابنەوە بەڵكو لەدەوری نەهج و فكرو پەیرەوی ئەو حزبەكۆدەبنەوەو دواتر كۆنگرە دەنگەكان یەكلادەكاتەوە و ئەو كات هەموو پیرۆزبایی لەكەسەدەكەین كەدەنگی زۆرینە بەدەست دێنێ و دەبێ پیرۆزبایی لە ئەمیندار بكەین و هاوكارێكی باش بین بۆ ئەوكەسە، وەك لەكۆنگرەی شەشەم كردمان .دڵنیابن لەخۆتان و هەڵمەتی راگەیاندنی هیچ كەناڵێكی لایەندارو بێ لایەنێك ،دوو دڵتان نەكات،تەنها ئاورێك لە كەسی یەكەم و كۆنگرەی لایەنەكەی خۆی بدەنەوە .
.۲ـ
ئەوانەش خۆیان كاندید دەكەن دەبێ باش بزانن بەرێوەبردنی یەكگرتوو زۆر قورسە وەك ئەوە نیە كەلەدەرەوە سەیر دەكرێ ،چونكە ئەبێ سەرتاسەریی بوونی یەكگرتوو و هاوسەنگی لەپەیوەندیەكان لەگەڵ لایەنە سیاسیەكان راگرێ . چونكە یەكگرتوو كوردستانیەو ناوچییەی نیە.
۳ـئەبێ هاوسەنگی راگرێ لەنێوان پەروەردەو پێگەیاندنی تاكەكانی و كرانەوە و بەجەماوەری كردنی یەكگرتوو .
٤ـدەبێ بزانێ كادرو ئەندامانی یەكگرتوو لەسەر ئازادی راهاتوون ناتوانن دەروێشانە شوێن هیچ كەسێك بكەون .
٥ــ لایەنی ماددی یەكگرتوو پشتی نەبەستوە بەبیرەنەوتو كۆمپانیا....و ئەندامەكانی خۆبەخشانە كاردەكەن و نایاسایی خانەنشین نەكراون و كار بۆ حزب بكەن ، ئەم خاڵە ماندوو بوونی زۆری دەوێ .چونكە كادر و ئەندامانی ئەم حزبە خەڵكی بەتواناو زۆر زۆر ماندوی پەراوێز خراون لەبەر یەكگرتوو بونیان ،وبەگیرفانی خاڵی بەرگەی فشاری زۆرتر ناگرێ.
لەكۆتایدا دەڵێم هەركەس ئەندامی كۆنگرەی یەكگرتوو بێت و تەمەنی ٤٠ساڵ بەرەو ژوور بێت دوو خول ئەندامێتی مەكتەب سیاسی تەواو كرد بێت، دەتوانێت خۆی كاندید كات بۆ پۆستی ئەمینداری یەكگرتووی ئیسلامی كوردستان ئێمەش لەكۆنگرە بەدەنگەكانمان یەكێكیان یەكلادەكەینەوە
سەركەوتوبێ یەكگرتووی ئیسلامی كوردستان شەكاوەبێ ئاڵای میانرەویی و ئاشتی خوازی و پێكەوەژیان