بەفەرمی ... سائیر ئەحمەد وازهێنانی خۆی راگەیاند

13/06/2019 - 11:12 بڵاوکراوەتەوە لە وەرزش/عێراقی

 

سائیر ئەحمەدی راهێنەری یانەی تەڵەبە دوای دەرچوونی تیپەكەی لە قۆناغی پێشكۆتایی جامی یانەكانی عێراق لەسەردەستی یانەی كارەبا بەشێوەیەكی فەرمی وازهێنانی خۆی راگەیاند".

سائیر ئەحمەد لە لێدوانێكیدا وتی : " لەراستیدا كەش و هەوای وەرزشی لە عێراق لەبارە نییە بۆ كاری مەشقدانەوە ، جاری وا هەیە ماندووبوونی راهێنەر بە چەند خولەكێك بەفیرۆ دەروات ، چونكە یاریزانەكان بە مەزاجی خۆیان یاری دەكەن".

وتیشی : " پێشتریش بریارمدابوو واز لە كاری راهێنەرایەتی بهێنم ، بەڵام بەهۆی داوای چەند كەسێكی بەرێز و خۆشەویستەوە لەبریارەكەم پاشگەزبوومەوە ، بەڵام ئەمجارە كۆتاییە و بەفەرمی وازهێنانی خۆم رادەگەینم".