بەفەرمی ... ناوبژیوانی یاری كۆتایی چامپیۆنس لیگ دیاریكرا

15/05/2019 - 11:49 بڵاوکراوەتەوە لە وەرزش/جیهانی

 

یەكێتی تۆپی پێی ئەوروپا رایگەیاند دامیر سكۆمینای سلۆڤینی یاری كۆتایی یانە پاڵەوانەكانی ئەوروپا بەڕێوە دەبات".

یاری كۆتایی لە نێوان هەردوو یانەی لیڤەرپول و تۆتنهامی ئینگلیزی لەسەر یاریگای واندا میترۆ بۆلیتانی تایبەت بە یانەی ئەتلەتیكۆمەدرید لە یەكی حوزەیرانی داهاتوو ئەنجام دەدرێت".

سكۆمینای تەمەن 42 ساڵە لەوەتەی ساڵی 2002 ناوبژیوانی نێودەوڵەتیە و ناوبژیوانی یاری كۆتایی خولی ئەوروپی بووە لە نێوان ئەیاكس ئەمستردامی هۆڵەندی و مانچستەریۆنایتدی ئینگلیزی لە ساڵی 2017، لەساڵی 2012 جامی سوپەری ئەوروپی لە نێوان چێڵسی و ئەتلەتیكۆمەدرید بەڕێوە بردووەو لەساڵی 2013 یاری كۆتایی یانە پاڵەوانەكانی ئەوروپای لە نێوان بایرن میونخ و بوروسیادۆرتمۆند بەڕێوە بردووە".