ناوی راهێنەری نوێی بایرن میونخ ئاشكرابوو

16/05/2019 - 10:50 بڵاوکراوەتەوە لە وەرزش/جیهانی

 

ئەستێرەیەكی پێشووی یانەی بایرن میونخ چووە ریزی پاڵێوراوان بۆ شوێن گرتنەوەی نیكۆ كۆڤاچی كرواتی لە مەشقدانەوەی یانەی بایرن میونخ بۆ وەرزی داهاتوو".

گومان لە بەردەوامی كۆڤاچ دەكرێت لەگەڵ بایرن میونخ بۆ وەرزی داهاتوو چونكە كارگێری یانەكە لە ئاستی ئەم راهێنەرە رازی نیە".

رۆژنامەی سپۆرت بێڵدی ئەڵمانی ئاشكرای كردووە مارك ڤان بۆمێلی راهێنەری یانەی ئایندهۆڤنی هۆڵەندی سەرنجی بەرپرسانی یانەی بایرن میونخی بۆلای خۆی راكێشاوە".

رۆژنامەكە ئاماژە بۆ ئەوەش دەكات كارگێری بایرن میونخ سەرسامە بە ئاست بەرزی ئەم یاریزانەی پێشووی تیپەكە كە ئێستا مەشقی یانەی ئایندهۆڤن دەداتەوەو ركابەرییەكی بەهێز بوو لەگەڵ ئەیاكس ئەمستردام لەم وەرزە بۆ بردنەوەی نازناوی خولی یانەكانی هۆڵەندا".