شارەزایەكی بواری کەشناسی و گەردوونناسی ڕایگەیاند رۆژی 06/06/2025 دەبێتە یەکەم رۆژی جەژنی قوربانی پیرۆز.

ساڵانە ئەنجومەنی فەتوای سعودیە و وڵاتانی عەرەبی و هەرێمی کوردستان، چەندین وڵاتانی ئیسلامی، دوای دوو مانگ لە جەژنی ڕەمەزان، چاودێری بینینی مانگ دەکەن، بۆ دیاریکردنی یەکەم رۆژی جەژنی قوربانی پیرۆز.

سالار حاجی عەلی شارەزا لە بواری کەشناسی و گەردوونناسی چەند لێکدانەوە یەکی شیکاری گەردوونناسی و زانستی وردی کردووە بۆ ئەمساڵ جەژنی قوربانی پیرۆز کات و ڕۆژەکەی دیاری کردوە بە بەڵگەی زانستی.

ئاماژەی بەوەكردوە، جەژنی قوربانی پیرۆز لە بەرواری 06/06/2025 دەبێتە یەکەم ڕۆژ چونکە لە بەرواری 27/05/2025، لەکاتژمێر (06:02:18s) سەر لە بەیانی مانگ نوێ دەبێتەوە، لە ئێوارەی هەمان ڕۆژ هیلالی مانگ دەبینرێت، لە بەر ئەوەی لە کاتژمێر (10:10:25s) ی پێش نیوەڕۆ 0.1% هیلالی مانگ بە(تەلەسکۆپ) ئەبینرێت، دواتر بۆ ئێوارەی هەمان ڕۆژ لە کاتژمێر (19:17:00s) لەکاتی بانگی ئێوارێ بە کاتی شاری هەولێر 0.5% نوێ بونەوەی هیلالی مانگ دەبینرێت، لە هەرێمی کوردستان

ئەوەشیخستوەتەڕوو، واتا لە ڕۆژی 28ی مانگ ڕۆژەکانی فەریزەی حەج دەست پێ دەکات، ڕۆژی 5 مانگی شەشی ئەمساڵی 2025 ، دەبێتە کۆتا ڕۆژی، بۆیە ڕۆژی 6ی مانگی شەش ەبێتە یەکەم ڕۆژی جەژنی قوربانی پیرۆز.