نەخۆشخانەی فریاكەوتنی رۆژئاوای هەولێر هۆشداری دەدات لە زیادبوونی رووداوەكانی هاتوچۆی ماتۆڕسكیل و ڕایدەگەیەنێت: رووداوەكانی هاتوچۆی ماتۆڕسكیل لە حاڵەتەوە بووە بە دیاردەیەكی مەترسیدار.
نەخۆشخانەی فریاكەوتنی رۆژئاوای هەولێر بڵاویكردەوە: لە ماوەی حەوت رۆژی پشووی جەژنی رەمەزاندا، زیاتر لە 68 رووداوی هاتوچۆی ماتۆڕسكیل لە شاری هەولێر روویانداوە كە زۆربەیان رووداوی سەخت بوون و بەشێكیشیان گیانیان لەدەستداوە.
ئەوەشی خستەڕوو: بە پێی ئەم ئامارە و ئاماری مانگەكانی رابردوو بێت هێڵكاریەكە بەرەو زیاد بوون دەچێ و بەردەوامیشە لە زیاد بوون و پێویستە لایەنی پەیوەندیدار رێكاری توند بگیرێتەبەر بەرامبەر بە بەكارهێنەرانی مۆتۆرسكیل بە تایبەتی شوفێری ماتۆرسكیلی گەیاندنەكان (دیلیڤەری).
